السلام عليكم
والله زوج ظواهر يوجعو القلب و يغيضني الحال بزاف كي نشوفهم ... زيدلهم مظاهر اخر كثيرة في المساجد اللي هي بيوت ربي سبحانو
كل مرة يسجد الامام و تسكت الاصوات الا وتسمع اغنية تاع اليسا من برطابل تاع هذا ولا تسمع غنية تاع رضوان في لاخر ..ولا تسمع صونري تاع فيلم في جهة اخرى
بيت ربي نورمالمون رايح تدخل طفي برطابلك ولا ديرو vibreur ولا ربي يسهل .. والمشكل تلقى حتى التنبيه معلق عند الباب : من فضلكم اغلقو جهازكم .. هكذاك وجماعة بزاف ينساوه .. كاين لي تلحق بيهم الجرأة قبل بداية الصلاة متكيين داخل الجامع و يهدرو .. في وقت وين نورمالمون يهزو مصحف ويقراو .. وزمالازمش يتكلمو الا بما هو للضرورة احتراما لقدسية المكان
ديفوا تلقى بزاف برطابلات يصونيو في نفس الوقت و ما يحبسوش .. والامام من لهيه يقرا في السور .. ولا في وقت السجود ..نتا تدعي في ربي وواحد مساميك يصوني برطابلو على نغمة مغني .. كل هذا داخل الجامع .. وكل مرة تتعاود هاذ الظاهرة ... وكل صلاة تسمع رنات واغاني جدد داخل بيت الله ... و حسب ماقراة ان احد المفتين افتى بان رنة الهاتف من الكبائر واليكم النص :
أفتى الشيخ عبدالحميد الاطرش رئيس لجنة الفتوى بالأزهر بأن استخدام المحمول داخل المسجد حرام شرعا خاصة اذا صدرت عنه النغمات التي تتضمن اغاني أو حتى ادعية لأنها تشوش على المصلين وتخرجهم من الخشوع وتتنافى مع مكانة المساجد.
و اعتبر الشيخ انها اشد حرمة من رفع الصوت داخل المسجد ،وتصل لدرجة الكبائر والتي نهى عنها الرسول صلى الله عليه وسلم وذلك استناد الى حديث ابي هريرة رضي الله عنه عند مسلم وأحمد وابن ماجة ان النبي صلى الله عليه وسلم قال من سمع رجلا ينشد ضالة في المسجد فليقل لا ردها الله عليك فان المساجد لم تكن لهذا .