موضوع: حوست على خدمة و لقيتها ... و جبتلكم افاااار كبيرة السبت 31 أكتوبر 2009 - 23:59
صباحكم / مسائكم كل نور و اشراق دئما ..
المهم أنا كنت نحوس على خدمة ... و لقيت بزاااف بصح انا كنت حاب خدمة تخرجني و تكون الهدرة غير باالتيكي ... ايا و انا ندور في بريطانيا في برمنغاهم .. لقيت واحد الحانوت (محل ) و فيه الغاشي بزااااااف بزاااااف ... قريب منو لقيتو حانوت نتاع صبابط ... فطلعتلي في بالي نحل حانوت نتاع صباط للبنات ... و دورت بريطانيا و منبعد هبطت للمدريد و رحت للروما و زدت كملتها في فرنسا باش نسلع
و منبعد رجعت للجزائر و فتحت فيها حانوت و جيب غير السلعة القريفة للمحطتش في البلاد كل و انا قلت بنات سكريم و شبابها اولا لانكم عزاز .. راح نخليكم تشوفو السلعة و نعطيكم كل المميزات .
هذا كاين منو 2 حبات في العالم لا ثالثة لهما ... و سومتو راها في 14.5 مليون
و هذا مكانش منو في العالم غير حبة وحدة وهذي هي .. و راهو واصل في 21.3 مليون
و هذا كاين منو 7 حبات مخدوم بجلد الفار .. بصح لي بلبسو يحذر من القط .. و راهو واصل في 11 مليون برك
و اما هذا قراهو مخدوم بشعر اكبر عجوز في العالم ... و سومتو راها في 12 مليون فقط
اااااااااه جينا للصح درك هذا ... هذا مكانش غير حبة واحدة و هو اغلى حذاء ... و هو مخصوص للبنات لي بدأ حرفهم بي الحرف B ..أول للعندها حبيها يبدأ بلحرف B .. لانو معلق بيه حرف B و سمتو راهي واصلا 29 مليون
اااااااااه جينا للصح درك هذا ... هذا مكانش غير حبة واحدة و هو اغلى حذاء ... و هو مخصوص للبنات لي بدأ حرفهم بي الحرف B ..أول للعندها حبيها يبدأ بلحرف B .. لانو معلق بيه حرف B و سمتو راهي واصلا 29 مليون
و اما هذا فهو ليس للكل البنات ... هذا للبنات التي لا يزدي طولها أكثر من 80 سنتيم متر .. لانو بعد ارتدائه راح يزيد لي تلبسو 1 متر و10 ستنيم متر ....
و أن شاء الله لي يشري عليا اي صباط راح نزيدو كادو من عندي و نزيد ثاني هذا الصباط كراطوي ...من عندي .. [ندعوك للتسجيل في المنتدى أو التعريف بنفسك لمعاينة هذا الرابط]
و استنو مازال الخير القدام راني منسيتش الشباب رغم انو قررت نفتح حانوت سبيسيال للبنات فقط بصح والو قلت شباب اللمة يستاهل ثاني و انا جبتلهم حبات قليلة مازال ما طاحتش كل
يلاه نبدو
شوفو هذا ... هذا تلبسو يولي يمشي وحدو اوتماتيك ... انت غير انوي برك و راه واصل 30 مليون و كاين المساعدة و كاين حبة التالية و ختها راها في الهند عند اميتاب باتشن لانو بمثل بيه
و هذا يبان راهو من الخردة بصح هذا الستيل نتاع الصح ... مكانش كيفو غير 2 حبات راهو في 21 مليون
ااااااااااااااايه هذا ... يودي في المطار حليتلهم مرشي بسبتو ... راهو في 14 مليون برك حبة وحدة التالية
و زيدو يا جماعة السلعة راها محدودة و تكون سير كومنود .. و متخافوش ان شاء الله نديرو معاكم مساعدة في السومة المهم نحب نشوفكم اون ستايل و صايي انتظر ردودكم
scream المِؤسس
scream.1fr1.net الطاقة : 1835 نقاط : 22129863
موضوع: رد: حوست على خدمة و لقيتها ... و جبتلكم افاااار كبيرة الأحد 1 نوفمبر 2009 - 0:21
لا حول ولا قوة إلا بالله العلي العظيم
القلب الجريح عضو ملكي
الطاقة : 12 نقاط : 5358
موضوع: رد: حوست على خدمة و لقيتها ... و جبتلكم افاااار كبيرة الأحد 1 نوفمبر 2009 - 1:07
خوياااااااااااااا ما تخليليش واحد par facilité
scream المِؤسس
scream.1fr1.net الطاقة : 1835 نقاط : 22129863
موضوع: رد: حوست على خدمة و لقيتها ... و جبتلكم افاااار كبيرة الأحد 1 نوفمبر 2009 - 3:00
شوفي إذا عجبلك هذا نكلمولك البائع ونشوفوفلك واسطة يخليهولك بار فاسيليتي